ഹിപ്നോട്ടിക് അനുഭവങ്ങള് - 4
Sunday, August 24, 2008
(പ്രിയ വായനക്കാരേ, ഒത്തിരി വൈകിയെന്നറിയാം. വ്യക്തിപരമായ പ്രശ്നങ്ങളും ശുദ്ധമടിയും നിമിത്തം അങ്ങനെ വൈകിപ്പോയി. ക്ഷമിക്കണം. പുതിയ വായനക്കാര് ഹിപ്നോട്ടിക് അനുഭവങ്ങള് ആദ്യമൂന്നു ഭാഗം വായിച്ചതിനു ശേഷം ഈ ഭാഗം വായിക്കണമെന്ന് അപേക്ഷിക്കുന്നു).
ഹാരിസിനെ ഹിപ്നോ അനാലിസിസിന് വിധേയമാക്കിയപ്പോള് അവന്റെ വാക്കുകളിലൂടെ തന്നെ അവന്റെ മാനസികബുദ്ധിമുട്ടുകളുടെ കാരണം മനസ്സിലാക്കാന് എനിക്ക് കഴിഞ്ഞു.
കാര്യം ഏകദേശം ഇങ്ങനെയാണ്.
കാസര്കോട്ടെ ഒരു യാഥാസ്ഥിതിക മുസ്ലിം കുടുംബത്തിലെ നാലുമക്കളില് ഇളയവനാണ് ഹാരിസ്. ചെറുപ്പത്തിലേ പിതാവ് മരിച്ചു. ഉമ്മയുടെ സ്നേഹത്തിലും സംരക്ഷണത്തിലുമാണവന് വളര്ന്നത്. മതകാര്യങ്ങളിലും മറ്റും ഉമ്മ കര്ക്കശമായ ഉപദേശങ്ങള് നല്കാറുണ്ടായിരുന്നു ഹാരിസിന്. സിനിമ കാണാന് പോകുവാന് പോലും ഉമ്മ അനുവദിച്ചിരുന്നില്ല. സിനിമയും റ്റെലിവിഷനും കുട്ടികളെ വഴിതെറ്റിക്കും എന്നായിരുന്നു ആ ഉമ്മയുടെ അഭിപ്രായം.
മുതിര്ന്നപ്പോള് ഉമ്മയറിയാതെ ഹാരിസ് പലപ്പോഴും സിനിമക്ക് പോകുമായിരുന്നു.ഒരു ദിവസം കാസര്കോട്ടെ ഒരു തീയേറ്ററില് രജനികാന്തിന്റെ “ബാഷ” സിനിമ കണ്ടുകൊണ്ടിരുന്ന ഹാരിസിനെ ത്തേടി ദാരുണമായ വാര്ത്തയുമായി ഹാരിസിന്റെ കൂട്ടുകാര് എത്തി. ഹാരിസിന്റെ ഉമ്മ മരണപ്പെട്ടിരിക്കുന്നു.
കനത്ത ആഘാതമാണ് ഈ സംഭവം ഹാരിസിന്റെ മനസ്സിനേല്പ്പിച്ചത്. ഉമ്മ നഷ്ടപ്പെട്ട വ്യഥയേക്കാള് അവന്റെ മനസ്സിനെ ആകെ ഉലച്ചു കളഞ്ഞത് താന് ഉമ്മയെ ധിക്കരിച്ച് സിനിമകാണുമ്പോള് തന്നെ ഉമ്മയുടെ മരണവാര്ത്ത അറിഞ്ഞല്ലോയെന്ന ചിന്തയായിരുന്നു. അവനു താങ്ങാവുന്നതിലും അധികമായിരുന്നു ഈ പാപചിന്ത.
കുറ്റബോധത്താല് അവന് നീറാന് തുടങ്ങി. ഉമ്മയോട് പൊറുക്കാനാവാത്ത അപരാധം താന് ചെയ്തു എന്ന ചിന്ത അവനില് വളരാന് തുടങ്ങി. ഹാരിസ് ആകെ മാറിത്തുടങ്ങി. അവന്റെ ഉന്മേഷവും പ്രസരിപ്പും എങ്ങോ പോയ് മറഞ്ഞു. എപ്പൊഴും അന്തര്മുഖനായി ഇരിക്കും. ആരോടും ഒന്നും സംസാരിക്കില്ല. ആരെങ്കിലും എന്തെങ്കിലും ചോദിച്ചാല് ഒരു മൂളലില് മറുപടി ഒതുക്കും. മുറിയില് കതകടച്ച് ഇരിക്കാനാണ് അവന് താല്പര്യം.
അങ്ങനെയാണ് ജ്യേഷ്ടന്മാര് അവനെ ബാംഗ്ലൂരിലേക്ക് കൊണ്ടുവരുന്നത്. ഹാരിസിനെ സന്തോഷിപ്പിക്കാനായി അവര് കിണഞ്ഞു ശ്രമിച്ചു. അതിനിടെ ഹാരിസ് സ്വയംപീഢനത്തിന്റെ വഴിയിലേക്ക് നീങ്ങിയിരുന്നു. അവര് അവനെ മാനസികാരോഗ്യകേന്ദ്രത്തില് കൊണ്ടുപോകാന് തുടങ്ങിയ സമയത്താണ് ഞാന് ഹാരിസിനെ കാണുന്നത്.
ഇപ്പോള് പ്രശ്നങ്ങളുടെ കാരണം മനസ്സിലായി. ഹിപ്നോട്ടിക് അവസ്ഥയിലെ ഏറ്റവും നിര്ണ്ണായകമായ ഘട്ടമാണിത്. ഒരു ഹിപ്നോട്ടൈസറുടെ ബുദ്ധിയും യുക്തിയും വിശകലന-നിരീക്ഷപാടവവും ഉണര്ന്നു പ്രവര്ത്തിക്കേണ്ട സമയം. പ്രശ്നത്തിന് വ്യക്തിക്ക് കൂടി യുക്തിസഹമായി ബോധ്യപ്പെടുന്ന പരിഹാരങ്ങള് നിര്ദ്ദേശിക്കുവാനുള്ള സമയം. പൂര്ണ്ണമായും ഹിപ്നോട്ടൈസറുടെ കൈയില് വ്യക്തിയുടെ മനസ്സിന്റെ നിയന്ത്രണമുള്ള ഈ സമയത്ത് ആലോചനാ പൂര്വ്വം സംഭാഷണം തുടര്ന്നാല്, പരിഹാര നിര്ദ്ദേശങ്ങള് വ്യക്തിയുടെ മസ്തിഷ്ക്കത്തില് ഫലപ്രദമായി ഉറപ്പിക്കാന് കഴിഞ്ഞാല് വിജയിച്ചു. ആവര്ത്തിച്ചുള്ള നിര്ദ്ദേശങ്ങളും അനേകം തവണ ഹിപ്നോട്ടിസവും വേണ്ടി വന്നേക്കാം. ഞാന് ആലോചനയിലായി.
എന്നെ ആലോചിക്കാന് നിങ്ങള് അനുവദിക്കുമ്പോഴേക്കും ഹിപ്നോട്ടിസത്തിനെക്കുറിച്ച് ചില പൊതുവായ കാര്യങ്ങളെക്കുറിച്ചും സമൂഹത്തില് നിലവിലിരിക്കുന്ന ചില വിശ്വാസങ്ങളെയും സംശയത്തെയും കുറിച്ചും നമുക്കല്പ്പം സംസാരിക്കാം. അവന് കുറച്ചു കൂടി ഉറങ്ങട്ടെന്നേ :)
ഹിപ്നോട്ടൈസ് ചെയ്ത് എന്തും ചെയ്യിക്കാമോ എന്നൊരു ചോദ്യം പലരും ചോദിച്ചു കാണുന്നുണ്ട്.
ഹിപ്നോട്ടിക നിദ്രാവിധേയനായ ഒരു വ്യക്തി, ഹിപ്നോട്ടൈസര് പറയുന്നതെല്ലാം അനുസരിക്കുമെന്നും അയാളെ എങ്ങനെ വേണമെങ്കിലും കുരങ്ങു കളിപ്പിക്കാം എന്നൊക്കെ പറഞ്ഞു കേള്ക്കുന്നതിന് യാതൊരു ന്യായീകരണവുമില്ല. ഒരു വ്യക്തിയുടെ സദാചാര ദൃഢതയും മനഃസാക്ഷിയും ഹിപ്നോട്ടിക് നിദ്രാവേളയിലെ നിര്ദ്ദേശങ്ങളെക്കാള് ഉന്നതമാണ്. അതു കൊണ്ട് തന്നെ ഹിപ്നോട്ടിസത്തിനു വിധേയനാവുന്ന വ്യക്തി ഗാഢ നിദ്രയിലായാല്പ്പോലും മനഃസാക്ഷിക്കും സ്വന്തം ഇച്ഛാശക്തിക്കും തികച്ചും വിരുദ്ധമായ നിര്ദ്ദേശങ്ങള് സ്വീകരിക്കുന്നതല്ല.
ഉദാഹരണത്തിന് മദ്യപാനം നിഷിദ്ധമായി കരുതുന്ന ഒരാളോട് ഹിപ്നോട്ടിക് അവസ്ഥയില് മദ്യം കഴിക്കണമെന്ന് നിര്ദ്ദേശിച്ചാല് അയാള് ഉറക്കത്തില് നിന്ന് പെട്ടെന്ന് ഞെട്ടി ഉണര്ന്നെന്ന് വരാം.
ഒരിക്കല് ഒരു പെണ്കുട്ടിയോട് ഹിപ്നോട്ടൈസര് പറഞ്ഞു: അപരിചിതനായ ഈ പുരുഷനെ ചുംബിക്കുക. പെണ്കുട്ടി അതിനു കൂട്ടാക്കിയില്ലെന്ന് മാത്രമല്ല അവള് അപസ്മാര ബാധിതയെപ്പോലെ കോച്ചി വലിക്കാന് തുടങ്ങി. ഉടന് ഹിപ്നോട്ടൈസര് നിര്ദ്ദേശം പിന്വലിച്ചു. അവളോട് സുഖമായി ഉറങ്ങാന് പറഞ്ഞു. അവള് ഉറങ്ങുകയും ചെയ്തു.
എന്നാലും ഒരു കാര്യം മനസ്സിലാക്കണം. ഹിപ്നോട്ടിക് അവസ്ഥയില് സജസ്റ്റബിലിറ്റി (ചിന്ത കൂടാതെ നിര്ദ്ദേശങ്ങള് സ്വീകരിക്കാനുള്ള പ്രവണത) കൊണ്ട് വ്യക്തി ഹിപ്നോട്ടിസ്റ്റിനെ വിശ്വസിച്ച് എന്തും അനുസരിക്കുന്ന നിലയിലായാല് വ്യക്തിയെ എന്തും ചെയ്യിക്കാവുന്ന ഒരു നിലയിലാക്കാന് ഹിപ്നോട്ടിസ്റ്റിനു പറ്റിയെന്നിരിക്കും; അപൂര്വ്വമായിട്ടെങ്കിലും. സദാചാര നിഷ്ടരല്ലാത്തവര് ഹിപ്നോട്ടിസം പഠിച്ചാല് അത് ദുര് വിനിയോഗം ചെയ്തെന്നിരിക്കും.
ഹിപ്നോട്ടിസം കൊണ്ട് ഒരാളുടെ മനസ്സിലുള്ളതെല്ല്ലാം അയാള് പറയാതെ തന്നെ ചോര്ത്തി എടുക്കാന് കഴിയുമോ?
സാധ്യമല്ല. എല്ലാം പറയാനുള്ള , സജസ്റ്റബിലിറ്റി കൂടിയ ഒരു പ്രത്യേക മാനസികാവസ്ഥയിലാക്കിയ ശേഷം പറയാനനുവദിക്കുമ്പോള് പറയുന്നത് കേള്ക്കാനേ കഴിയൂ. അല്ലാതെ എന്തു ബലം പ്രയോഗിച്ചിട്ടും കാര്യമില്ല.
കുറ്റവാളികളെക്കൊണ്ട് സത്യം പറയിക്കാമോ?
എന്തു വന്നാലും സത്യം പറയില്ല എന്ന് പ്രതിജ്ഞ എടുത്തവനെക്കൊണ്ട് ഹിപ്നോട്ടൈസ് ചെയ്താലും സത്യം പറയിക്കാന് കഴിഞ്ഞു കൊള്ളണമെന്നില്ല. എന്നാല് ചില പ്രത്യേക ടെക്നിക്കുകള് ഉപയോഗിച്ച് ഹിപ്നോസിസിനെ ചെറുത്തു നില്ക്കുന്നുണ്ടോ, മനഃപൂര്വ്വം നുണപറയുന്നുണ്ടോ എന്നൊക്കെ അറിയാന് കഴിഞ്ഞേക്കും.
ഫോണ്, റേഡിയോ, ടെലിവിഷന്, ചാറ്റ് തുടങ്ങിയവ വഴി വിദൂരഹിപ്നോട്ടിസം സാദ്ധ്യമാണോ?
വ്യക്തിയെ ഉറക്കുകയല്ല, ഉറങ്ങാന് സഹായിക്കുകയാണ് യഥാര്ത്ഥത്തില് ഹിപ്നോട്ടൈസര് ചെയ്യുന്നത്. ഒരു ചെറിയ ശതമാനം ആളുകള്ക്ക് ഉറങ്ങുവാന് ഫോണ്, റേഡിയോ, ടെലിവിഷന് ചാറ്റ് എന്നിവയില് കൂടിയുള്ള സഹായം മതി. ഇതിന്റെയൊന്നിന്റെയും സഹായമില്ലാതെ ദൂരെ ഇരിക്കുന്ന ഒരാളിലേക്ക് ചിന്ത കടത്തി വിടാന് ഹിപ്നോട്ടിസം കൊണ്ട് സാദ്ധ്യമല്ല.
ഏതു പ്രായക്കാര്ക്കും ഹിപ്നോ ചികിത്സ ഫലപ്രദമാണോ?
എട്ടു വയസ്സില് താഴെ ഉള്ളവരെ ഹിപ്നോ തെറാപ്പിക്ക് വിധേയമാക്കിക്കൂടാ. അവരുടെ മസ്തിഷ്ക വളര്ച്ച പൂര്ണ്ണമായിട്ടുണ്ടാവില്ല. 55 വയസ്സില് കൂടുതലുള്ളവര്ക്കും ഹിപ്നോസിസ് വേണ്ടത്ര ഫലപ്രദമല്ല.
ഹിപ്നോട്ടിസം കൊണ്ട് മനസ്സിലുള്ളത് മായ്ച്ച് കളയാമോ?
തെറ്റിദ്ധാരണ ആണത്. മനസ്സൊരു സ്ലേറ്റല്ല മായ്ച്ചു കളയാന്.
മറന്നു പോയകാര്യങ്ങള് ഹിപ്നോട്ടിക് അവസ്ഥയില് ഓര്ക്കാന് കഴിയുമോ?
ചിലരുടെ കാര്യത്തില് അത് സാധ്യമാണ്. ഹിപ്നോട്ടൈസറുടെ പരിചയ സമ്പന്നത, വിധേയനാവുന്ന വ്യക്തിയുടെ സവിശേഷത് ഒക്കെ ഘടകങ്ങളാണ്. എന്നാല് ഹിപ്നോട്ടിക് അവസ്ഥയില് പഠിക്കുന്നത് മറക്കാതെ ഓര്ക്കാന് കഴിയും എന്നതില് സംശയമില്ല. പരീക്ഷണങ്ങളില് അത് തെളിഞ്ഞിട്ടുള്ളതുമാണ്.
മരുന്നു കുത്തിവെച്ച ഹിപ്നോട്ടൈസ് ചെയ്യുന്ന ഫലപ്രദമാണോ?
നാര്ക്കോ ഹിപ്നോസിസ്. നല്ല സൈക്യാട്രിസ്റ്റുകള് അങ്ങനെ ചെയ്യാറില്ല. ഹിപ്നോ അനാലിസിസിന് സഹായിക്കും എന്നല്ലാതെ ആ അവസ്ഥയില് നല്കുന്ന സജഷനുകള് ഫലം ചെയ്യില്ല.
ഹിപ്നോട്ടിസത്തിലൂടെ കുണ്ഡലിനി ഉണര്ത്താമോ?
കുണ്ഡലിനി എന്നത് യോഗവിദ്യയിലെ ഒരു സങ്കല്പ്പം മാത്രമാണ്. മനുഷ്യ ശരീരത്തിലെ യാഥാര്ത്ഥ്യമല്ല. സെല്ഫ് ഹിപ്നോസിസിന്റെ അവസ്ഥയിലിരുന്ന് കുണ്ഡലിനി ഉണരുന്നതായി സങ്കല്പ്പിക്കാന് കഴിയും അത്ര തന്നെ.
ഹിപ്നോട്ടിസം പിടിവിട്ടു പോകുമോ?
തീര്ച്ചയായും അങ്ങനെ സംഭവിച്ചെന്നു വരാം. പരിചയസമ്പന്നരല്ലാത്തവര് ലഘുമയക്കത്തിലാക്കാനേ ഉദ്ദേശിക്കുന്നുള്ളൂവെങ്കിലും ആള് പിടി വിട്ട് അബോധാവസ്ഥയിലായെന്ന് വരാം. പരിചയസമ്പന്നനായ ഒരാള്ക്ക് അതൊക്കെ നിയന്ത്രിക്കാന് കഴിയും.
ഹിപ്നോട്ടിസം ആര്ക്കും പഠിക്കാമോ?
ആര്ക്കും പഠിക്കാം. ഹിപ്നോട്ടിസം അറിയുന്നവരെല്ലാം ഹിപ്നോ ചികിത്സകരല്ല. കത്തി എടുക്കുന്നവരെല്ലാം സര്ജ്ജന്മാരുമല്ല. ആര്ക്കും ഡ്രൈവിംഗ് പഠിക്കാം. ഡ്രൈവിംഗ് പഠിച്ചവര്ക്കെല്ലാം കാര് റേസിനു പോകാന് കഴിയില്ലെന്നത് പോലെ ഹിപ്നോട്ടിസം പഠിച്ചവര്ക്കെല്ലാം ഹിപ്നോ ചികിത്സകരാകാന് കഴിയണമെന്നില്ല. ഹിപ്നോട്ടിസം ശാസ്ത്രവും കലയുമാണ്. കലയില് നിപുണനാകണമെങ്കില് പ്രത്യേക വാസനയും പ്രതിഭയും തന്നെ വേണമല്ലോ.
മനോരോഗങ്ങളപ്പെറ്റിയുള്ള അറിവ്, കൌണ്സലിംഗിനായുള്ള ഉള്ക്കാഴ്ച, വ്യക്തിയെ ഹിപ്നോസിസിലേക്ക് നയിക്കാനും ഹിപ്നോസിസിന്റെ ഏതു ഘട്ടത്തിലാണ് വ്യക്തി എന്നു മനസ്സിലാക്കാനുമുള്ള പരിജ്ഞാനം, നിര്ദ്ദേശങ്ങള് നല്കാനും പിന്വലിക്കാനുമുള്ള ആജ്ഞാശക്തി, പരിശീലനം, പരിചയം, വാസന, കഴിവ് എന്നിവയൊക്കെയാണ് നല്ലൊരു ഹിപ്ട്ടൈസര്ക്ക് വേണ്ടത്.
ഹെന്ത്! നമ്മുടെ ഹാരിസ് ഇപ്പഴും ഉറക്കാമാണെന്നോ? ശോ! നമുക്കവനെ ഉണര്ത്തണം. അടുത്ത ലക്കത്തിലാവട്ടെ. അവന് എന്തൊക്കെ നിര്ദ്ദേശങ്ങളാണ് നല്കിയത്? പ്രശ്നം പരിഹരിക്കാനായോ? ഹാരിസ് പിന്നീടെങ്ങനെ പെരുമാറി?
അടുത്തകുറിപ്പില് നമുക്കതറിയാം. ഇന്ശാ അല്ലാഹ്...
വിവരങ്ങള്ക്ക് കടപ്പാട് : ശ്രീ ജോണ്സണ് ഐരൂര്
എഴുതിയത്::സിയ↔Ziya at 7:08 PM
Labels: അനുഭവം, ഹിപ്നോട്ടിസം
(പ്രിയ വായനക്കാരേ, ഒത്തിരി വൈകിയെന്നറിയാം. വ്യക്തിപരമായ പ്രശ്നങ്ങളും ശുദ്ധമടിയും നിമിത്തം അങ്ങനെ വൈകിപ്പോയി. ക്ഷമിക്കണം. പുതിയ വായനക്കാര് ഹിപ്നോട്ടിക് അനുഭവങ്ങള് ആദ്യമൂന്നു ഭാഗം വായിച്ചതിനു ശേഷം ഈ ഭാഗം വായിക്കണമെന്ന് അപേക്ഷിക്കുന്നു).
ഹാരിസിനെ ഹിപ്നോ അനാലിസിസിന് വിധേയമാക്കിയപ്പോള് അവന്റെ വാക്കുകളിലൂടെ തന്നെ അവന്റെ മാനസികബുദ്ധിമുട്ടുകളുടെ കാരണം മനസ്സിലാക്കാന് എനിക്ക് കഴിഞ്ഞു.
കാര്യം ഏകദേശം ഇങ്ങനെയാണ്.
ഫോണ്, റേഡിയോ, ടെലിവിഷന്, ചാറ്റ് തുടങ്ങിയവ വഴി വിദൂരഹിപ്നോട്ടിസം സാദ്ധ്യമാണോ?
മാഷേ ഈ അനുഭവങ്ങളൊക്കെ ഇഷ്ടപ്പെട്ടു. അപ്പോ ചാറ്റിലൂടെ ഒരു വിദൂരഹിപ്നോട്ടിസം ചെയ്യാനുള്ള വഴി നോക്കിയാലോ :)
പ്രിയ സിയ ഇതൊരുമാതിരി...മസാല പടത്തിനിടക്ക് , വയറ്റിളക്കം, വില്ലന്ചുമ, അതിസാരം എന്നിവ പടര്ന്നു പിടിക്കാതിരിക്കാന് പാലിക്കേണ്ട അടിസ്ഥാന ശുചിത്വരീതികള് ന്യൂസ് റീല് കാണിച്ച പോലെയായി!
"ഇപ്പോള് പ്രശ്നങ്ങളുടെ കാരണം മനസ്സിലായി. ഹിപ്നോട്ടിക് അവസ്ഥയിലെ ഏറ്റവും നിര്ണ്ണായകമായ ഘട്ടമാണിത്. ഒരു ഹിപ്നോട്ടൈസറുടെ ബുദ്ധിയും യുക്തിയും വിശകലന-നിരീക്ഷപാടവവും ഉണര്ന്നു പ്രവര്ത്തിക്കേണ്ട സമയം"
സിയ വല്ലാതെ ബുദ്ധിമുട്ടിക്കാണുമല്ലോ. പാവം! (വണ്ടി അങ്ങോട്ട് വലിയ്കാത്തത് ആ ലാസ്റ്റ് വാചകത്തിന്റെ പ്രശ്നം മൂലമാണോ എന്നൊരു....)
:-)
അരവിച്ചേട്ടാ <> നമിച്ചൂന്ന്...
:):)
ബുഹഹ! അരവിന്ദേ ;)
കുണ്ഡലനി ഉയര്ത്താന് ഇമ്മടെ കുട്ടമണിയെ വിളിച്ചാപ്പൊരേ? ഇത്രേം കഷ്ടപ്പെട്ട് ഇതൊക്കെ പഠിക്കണാ?
:-)
സിയ,
എനിക്കു വളരെ ഇഷ്ടപ്പെട്ട വിഷയങ്ങളാണിതെല്ലാം. മറ്റു ഭാഗങ്ങള് വായിച്ചിട്ടില്ല, വായിക്കാം.
പണ്ടു കോളേജില് പടിക്കുന്ന കാലത്തു ഒരാള് വന്നു മാസ്സ് ഹിപ്നോട്ടൈസേഷന് ഡെമോ ചെയ്തിരുന്നു.അന്നു മുതല് ഇതു വളരെ കൌതുകത്തോടെ വീക്ഷിച്ചു വരികയാണു.
അന്നു കണ്ട ഏറ്റവും രസകരമായ ഒരു ഡെമൊ ഇതായിരുന്നു. എന്റെ ഒരു കൂട്ടുകാരനെ മൂന്നു സ്റ്റൂളുകളിലായി മലര്ത്തിക്കിടത്തി.അതിനു ശേഷം ഹിപ്നൊടിസം ആരംഭിച്ചു. നിന്റെ ശരീരം ഇതാ പാറപോലെ ഉറക്കാന് പോകുന്നു എന്നെല്ലാം പറഞ്ഞ് അവസാനം അവന് ബലം പിടിച്ചു കിടക്കിന്ന അവസ്ഥയിലെത്തി. അതിനു ശേഷം നടുവിലെ സ്റ്റൂള് മാറ്റി, ശരീരം മടങ്ങിയില്ല. രണ്ടറ്റവും തലയും കാല്പ്പാദവും മാത്രമെ താങ്ങുണ്ടായിരുന്നുള്ളൂ. ഒരാള് അവന്റെ മേല് കയറി ഇരുന്നു, എന്നിട്ടും മടങ്ങിയില്ല .ഹിപ്നോട്ടിസം കഴിഞ്ഞു ഉഷാറോടെ എണീറ്റു വരികയും ചെയ്തു.നല്ല ആരോഗ്യവാനായിരുന്നു അവനെന്നു സൂചിപ്പിക്കട്ടെ.
ഒരു വിഷമ തോന്നുന്ന്, ആ കൂട്ടുകാരന് രണ്ടു വര്ഷങ്ങള്ക്കു മുന്പു മരിച്ചു പോയി.
:)
സിയ...
ഹിപ്നോട്ടിസം ചെറുപ്പത്തില് എന്നെ വല്ലാതെ ആകര്ശിച്ചിരുന്ന ഒന്നാണ്. ഇന്നും അത് പഠിക്കണമെന്ന അതിയായ ആഗ്രഹവും ഉണ്ട്. മനസ്സിനെ വായിക്കുന്ന രീതി.... ഒരു പ്രതേക അനുഭവമായിരിക്കും. എഴുത്ത് തുടരുക.
നന്മകള്
ഹാരിസ് സിയടെ സുഹ്രത്താണോ??
പാവം ഹാരിസ്. ഇപ്പൊ ഏതാണ്ട് ആറുമാസം അതോ അതില് കൂടുതലോ ആയല്ലോ ഉറക്കാന് തുടങ്ങിയിട്ട്. :-)
സിയച്ചേട്ടാ...
ഇഷ്ടപ്പെട്ട വിഷയമാണ്. കൂടുതലായി എഴുതുക.
:)
ചാത്തനേറ്: ദുഷ്ടാ... ഇയാളെ തല്ലിച്ചതയ്ക്കാന് അറബിനാട്ടില് ആരൂല്ലേ... ഇത്രേം കാലം കഴിഞ്ഞ് ബാക്കി പോസ്റ്റിട്ടിട്ട്. അതും മുഴുവനാക്കാതെ നിര്ത്തിയിരിക്കുന്നു!!!!
പോട്ട് മൊത്തമായി ഒടിച്ചിടണ്ട ടൈപ്പ്ചെയ്യാന് ആ ചൂണ്ടുവിരലു മാത്രം ബാക്കിയിട്ടേക്കണം.
അരവിച്ചേട്ടോ ആ കമന്റ്!!!!
ഓടോ: ഇതെന്താ ഇതിലിടുന്ന ഓരോ കമന്റും ഒരു പുതിയ പോസ്റ്റായി തനിമലയാളം അഗ്രിമാമന് കാണിക്കുന്നേ മാമനെ സിയ ഹിപ്നോട്ടൈസ് ചെയ്താ!!!!!
ഹാരിസ് ആരാ ...? അയാളെന്തിനാ ഒറങ്ങിയേ...? എല്ലാം മറന്നു പോച്ച്..
ഇതിന്റെ ബാക്കി അടുത്ത ഒളിമ്പിക്സിനു മുന്പു ഉണ്ടാകുമോ ...?
@ അനില്
സനല് ഇടമറുകിന്റെ തേരാളി എന്ന സൈറ്റില് അതിനെപ്പറ്റി പറയുന്നുണ്ടു, വീഡിയോയും ഉണ്ടു.
http://therali.com/
ഹിപ്നോട്ടിസത്തെ കുറിച്ചുള്ള പല ചോദ്യങ്ങള്ക്കും ഇതിലൂടെ ഉത്തരം കിട്ടി...പ്രയോജനപ്രദമായ ഇത്തരം കുറിപ്പുകള് ഇനിയും തുടരൂ..
ഹാരിസ് ഹിപ്നോട്ടിസം മൂലമല്ല ഉറങ്ങിയത്, ഉറക്കഗുളിക ചെന്നിട്ടാണെന്ന് ബൂലോഗത്ത് പാണന്മാര് പാടിനടക്കുണ്ടല്ലോ സിയ?
അടുത്തത് പോരട്ടെ വേഗം.
ഇത്ര ആലോചിക്കാനെന്തിരിക്കുന്നു മാഷേ, ഹാരീസിനെയങ്ങോട്ടു ഹിപ്നോട്ടൈസ് ചെയ്യെന്നേ.
ങുര്..ങുര്.. ഗുര്..ഗുര്.. ര്.ര്.ര്.ര്. (ലോറി കയറ്റം കയറുന്ന ശബ്ദം)
ദേ.. ഞങ്ങളോട് മറ്റ് കാര്യങ്ങള് ഒക്കെ വിശദീകരിച്ച് പറഞ്ഞതിനിടയില് ഹാരീസ് കൂര്ക്കം വലിച്ചുറങ്ങുന്നു. ഇനി വെടിവെച്ചാല് എണീക്കില്ല. കഷ്ടം. :)
പ്രയോജനപ്രദമായ കുറിപ്പുകള് ...
"ഹിപ്നോട്ടിക് അനുഭവങ്ങള്“ എന്നതിനു പകരം “ഹാരിസിന്റെ ഉറക്കം” എന്നായിരുന്നു യോജിച്ച പേര്.
സിയക്കാാാാാ ഇതൊന്നു തീര്ക്കൊ. അടുത്തതില് തീര്ത്തില്ലെങ്കില് ഞങ്ങള് വന്ന് ഹാരിസിനെ ഇക്കിളിയാക്കുമേ...
-സുല്
ശരിക്കും നല്ല പോസ്റ്റ്.really interesting..ആദ്യം തൊട്ടേ വായിച്ചു.ക്ഷമിക്കൂ..ഇപ്പോഴാ എല്ലാം വായിച്ചത്...എനിക്കും ഇഷ്ടപ്പെട്ട വിഷയം തന്നെ.പക്ഷെ,എന്നും ഹിപ്നോട്ടിസത്തിനെപറ്റി എന്റെ ഉള്ളില് ഒരു ദുരൂഹതയാണ് ഉണ്ടായിരുന്നത്..എല്ലാം വെറും തെറ്റിദ്ധാരണകള് മാത്രമായിരുന്നു എന്ന് ഇപ്പോള് മനസ്സിലായി.ബാക്കി വേഗം പോസ്റ്റ് ചെയ്യൂ..
വളരെ വിജ്ഞാനപ്രദമായ പോസ്റ്റ്. ഹിപ്നോട്ടിസമെന്നത് മിക്കവാറും എല്ലാവര്ക്കും താല്പര്യമുള്ള വിഷയമാണ്. അതിനെ കുറിച്ച് ഇത്രയും വിവരങ്ങള് പങ്കുവെച്ചത് വളരെ നന്നായി.
ഹായ് സിയാ...ഇതേല് വരുന്ന കമന്റുകളൊക്കെ തനി മലയാളത്തില് പുതിയ പോസ്റ്റുകളായാണല്ലോ കാണണെ...!അദെന്താദ്? പോസ്റ്റ് ഉപകാരപ്രദമായി ട്ടോ.
മാഷേ..ഇപ്പോഴാണ് കാണുന്നത്....എല്ലാ പോസ്റ്റുകളും വായിച്ചു,
മുന്പൊക്കെ ഞാനും ജോണ്സണ് ഐരൂരിന്റേം ഫാദര് വടക്കന്(തന്നെയല്ലേ?)ന്റേയും ഒക്കെ ലേഖനങ്ങള് വായിച്ചിരുന്നു.......
അടുത്ത ഭാഗം ഉടനെ ഉണ്ടാകുമെന്ന പ്രതീക്ഷയോടെ.........
ഗൂഡ്...തുടരുക..
(ആ ചെക്കനെ ഉണര്ത്തി വല്ലോം തിന്നാന് കൊട്ത്ത്, മൂത്രമൊഴിപ്പിച്ച് കെടത്ത് ട്ടാ.. ഇല്ലെങ്കില് സ്വയം ബുദ്ധിമുട്ടേണ്ടിവരും)
ഞാനും കമന്റീട്ടോ...
ന്നെ ഹിപ്നോ അനാലിസിസിന് വിധേയാക്കിയാലെന്റെ ദൈവേ.. ആകെ അലമ്പാവും. ഞാല്യേയ്..
ഇന്റ്രെസ്റ്റിങ് പോസ്റ്റ്.
അതിരിക്കട്ടെ ഒരു ഡവുട്ട്,
ഒരിക്കല് ഒരു പെണ്കുട്ടിയോട് ഹിപ്നോട്ടൈസര് പറഞ്ഞു ഈ ഹിപ്നോട്ടൈസര്ഡെ പേരിന്റെ ആദ്യാക്ഷരം സില്ക്സ്മിതയിലുണ്ടോ? ;)
ഈ പോസ്റ്റ് ലിസ്റ്റ് ചെയ്തുകൊണ്ടിരിക്കുന്നു. കൂടുതൽ സമയം ഈ രചന ആളുകളുടെ ശ്രദ്ധയിൽ വരാനായി സൈറ്റിൽ വന്നു അനുയോജ്യ മായ വിഭാഗത്തിൽ ഈ പോസ്റ്റ് ഉൾപ്പെടുത്താൻ അപേക്ഷ.
സൈറ്റ് സന്ദർശിക്കാൻ ഇവിടെ www.keralainside.net.
കൂടുതൽ വിവരങൾക്ക് ഇവിടെkeralainsideblogaggregator.blogspot.com
Thank You